Otolorin

Òjò àdúrà níbi wáàsí As~Sabuuru International

Yò̩mí Lukman

As~Sabuuru International Prayer Mission ti ebute-metta branch se waasi ita gbangba ni o̩jo̩ ke̩rinlelogun,osu ke̩ta,o̩dun 2024.Ti Late Alh.Fadilat Shelkyh Muhammed Lukman Abubakry Kunle Konisosofunmi je oludasile. Asalatul naa bere nii agbegbe Ikorodu nilu Eko.Gbogbo atotonu waasi naa da lori ki gbogbo awo̩n e̩le̩sin musulumi tabi e̩le̩ya miran tabi elede kan si ekeji gbo̩do̩ nife̩e̩ ara wo̩n, nitori pe ife̩ yii ni Oba mi fi da gbogbo aye yii. Alh.Abdulrasaki Abdulmaliki baba woli, tun me̩nubaa pe aanu se koko ninu osu yo̩-e̩se̩, yo̩-e̩se̩ yii, riran ara ni lo̩wo̩ lati o̩do̩ e̩nikin-in-ni si e̩nikeji sii eniketa ati be̩e̩ be̩e̩ lo̩, labe̩ be̩e̩, ka tun ma se gbagbe iforiji ara wa, ki a ma se joye “Adiye̩ da mi loogun nu, maa fo̩ le̩yin”.
Ni pabanbari ijo̩sin ati ibe̩ru O̩lo̩run se koko ninu igbesi aye gbogbo awa e̩da, nitori pe ibe̩ru O̩lo̩run ni’leke o̩gbo̩n. Nibi ifo̩ro̩-wa-ni-le̩nu-wo pe̩lu awo̩n o̩to̩kulu tabi awo̩n ti a le pe nii opomulero inu ijo̩ As~Sabuuru. Ijo̩ yii je̩ ijo̩ kan pataki ti wo̩n maa n fi adura jagun, ijo̩ to n fe̩ ilo̩siwaju o̩mo̩ e̩gbe̩ ni gbigbi igba ni.
Be̩e̩ si ni ijo̩ yii ko ko iyan awo̩n o̩do̩ kere nitori pe “gbogbo e̩sin ti a ba n sin ti a ko fi ti o̩mo̩de se ko ni pe̩ parun”.
Awo̩n to di ijo̩ naa mu ni – Alh. Amiru Ustman Olorunkemi, Chairman, Hon.Kabri Adigun, Alhaja Fausiah Abubakry Konisosofunmi, Alhaja Modinat Ajoke Abubakry Muhammed, Alhaja Memunat Muritala Muhammed. Ni akotan Alhaji Muritala Muhammed Almiskkily Bilahi ti wo̩n je aburo si oludasile̩ ijo̩ asalatul As-sabuuru International Prayer Mission se o̩po̩lo̩po̩ adura fun gbogbo awo̩n alasalatu patapata nile, loko ati gbogbo awo̩n ti wo̩n gbo̩ waasi jake jado kaakiri origun ilu Nigeria. Alhaji wi pe te̩rin tayo̩ ni awo̩n jo̩ maa pejo̩ se asalatu miran te̩bi tara ati ojulumo̩.

Ara Azeez Ijaduade ti ń balẹ̀ lẹ́yìn tí ìbọn ọlọ́pàá bà á – Ẹgbẹ́ àwọn òṣèrè

Fẹ́mi Akínṣọlá

Ṣé àwọn àgbà ní àrìnfẹ́sẹ̀sí kìí ṣèrìn kan dan-in-dan-in. Adẹ́dàá nìkan ni kó máa kó wa yọ nínú ewu aye gbogbo.
Àwọn akẹgbẹ́ òṣèré tíátà Yorùbá tí ìròyìn sọ pé ọlọ́pàá yìnbọn lù ní ìpínlẹ̀ Ogun, Azeez Ijaduade ti sọ pé àlàáfíà ló wà.

Nínú fídíò kan tí ọ̀kan lára wọn, Abiodun Adebanjo, fi léde ló ti sọ̀rọ̀ náà.

Ó ní “A kàn fẹ́ kí gbogbo ayé mọ̀ ni pé Àlàáfíà ni Azeez wà, wọ́n ń tọjú rẹ̀ lọ́wọ́, ara rẹ̀ sì ti ń balẹ̀ .”

Àlàáfíà ni Azeez wà o, a kò nílò kí ẹnikẹni máa dá owó jọ fún wa lásìkò yìí.

“ Àwọn akẹgbẹ́ wa ti dé ibi tí a wà yìí, igbákejì kọmíṣọ́nà ọlọ́pàá ti wá sí ibí, bẹ́ẹ̀ náà ni Ààrẹ ẹgbẹ́ wa, Mr Latin náà ti yọjú síbí, a kò nílò owó kankan lásìkò yìí, kò sí ewu kankan.”

Lẹ́yìn ti Adeiofun sọ̀rọ̀ náà tán ni Ààrẹ ẹgbẹ́ àwọn òṣèré tíátà Yorùbá, TAMPAN, Mr Latin náà dúpẹ́ lọ́wọ́ àwọn aráàlú fún akitiyan wọn.

Lẹ́yìn náà ló ní kò si6 wàhálà kankan àti pé ara òṣèré ọ̀hún ti ń balẹ̀.

Akérédolú bẹ̀rẹ̀ ìsìnmi, Aiyedatiwa yóò di adelé gómìnà l’Óndó

Fẹ́mi Akínṣọlá

Ìgbákejì Gómìnà ìpínlẹ̀ Òǹdó, Lucky Aiyedatiwa, ni yóò di adelé Gómìnà ní ìpínlẹ̀ náà bẹ̀rẹ̀ láti Ọjọ́rú ọjọ́ kẹtàlá oṣù kejìlá, odún 2023.

Akọ̀wé Gómìnà ìpínlẹ̀ náà, Richard Olatunde, ló fi eléyìí léde nínú àtẹ̀jáde kan tó fi sójú òpó ìbáraẹnidọ́rẹ̀ẹ́ facebook.

Olatunde wí pé Gómìnà Akérédolú ń lọ fún ìsinmi lati lọ̀ọ́ tọ́jú ara rẹ̀, léyìí tí yóó mú kí igbákejì rẹ̀ ó delé fún un.

Àtàjẹ́de ọ̀hún sọ pé “Gómìnà ìpínlẹ̀ Òǹdó, Arákùnrin Oluwarotimi Akérédolú, SAN, CON, yoo bẹ̀rẹ̀ ìsinmi tó níí ṣe pẹ̀lú ètò ìlera ní Ọjọ́rú, ọjọ́ kẹtàlá oṣù kejìlá, ọdún 2023, láti tẹ̀síwájú nípa ìtọ́jú ara rẹ̀.

“Lákòókò ìsinmi yìí, Gómìnà Akérédolú yóò bójú tó ìlera rẹ̀ láti ríi pé òun ní àlàáfíà pípé kó tóó padà sẹ́nu iṣẹ́.

Lórí ìṣòro Nàìjíríà, Ọkọ ọ̀ mi kì í ṣe òpìdán, àmọ́ yóó gbìyánjú —Oluremi Tinubu

Fẹ́mi Akínṣọlá

Ṣé wọ́n ní ìwọ̀n oníwọ̀n la kìí mọ̀, ó yẹ kí á mọ tẹni.
Aya Ààrẹ orílẹ̀-èdè Nàìjíríà Sẹ́nẹ́tọ̀ Olurẹmi Tinubu sọ pé ọkọ òun Ààrẹ Bọla Tinubu kìí ṣe pidán-pidán, ṣùgbón ó ń ṣe iṣẹ́ rẹ̀ bó ṣe tọ́ àti bó ṣe yẹ láti jẹ́ kí orílẹ̀-èdè Nàìjíríà padà bọ̀ sípò.

Nígbà tí ó ń sọ̀rọ̀ ni ilé ìjosìn kan níbi tí wọ́n ti n ṣe ayẹyẹ àyájọ́ ọdún òmìnira ní ìlú Abuja lánàá ọjọ́ Àìkú, Olurẹmi sọ pé ọkọ òun kò ní dẹ̀bi ohun tó bàjẹ́ ní Naijiria ru àwọn tó ti ṣe ìjọba sẹ́yìn.

Àmọ́ṣá, Oluremi ní ìjọba Tinubu yóó tún gbogbo ohun tó ti bàjẹ́ ṣe, àti pé yóó mú ìrọ̀rùn bá àwọn ọmọ orílẹ̀-èdè Nàìjíría .

Ó fikún ọ̀rọ̀ rẹ̀ pé òun ní ìgbàgbọ̀ nínú ọkọ òun pé ó máa ṣiṣẹ́ láti ríi pé àlàáfíà yóó fi jọba ni Nàìjíríà.

Sẹ́nẹ́tọ̀ Oluremi tún sọ nínú ọ̀rọ̀ rẹ̀ pé ọjọ́ ọ̀la sì ń bọ̀ wá dára lórílẹ̀ èdè Nàìjíríà.

Ìgbà ọ̀pọ̀ ti dé ní Nàìjíríà, nítorí náà, àwọn ọmọ Nàìjíríà gbọdọ̀ rí ju ohun tí ó ń ṣẹlẹ̀ lọ́wọ́ báyìí lọ tí wọ́n bá fẹ́ jẹ́ alábàápín nínú ìgbéga orílẹ-èdè wọn.

Ó sì tún rọ àwọn ọmọ orílẹ-èdè Nàìjíríà láti ṣe àjọyọ òmìnira ní ìṣọ̀kan èyí tó ń gbé orílẹ-èdè lékè.

”Kò sí ìdojúkọ tí a kò lè borí tí a bá lè tẹ lé ọ̀rọ̀ tí Ọlọ́run sọ nínú ìwé mímọ́ pé ẹ wá sí ọ̀dọ̀ mi ẹ̀yin tí ń ṣiṣẹ́ tí a di ẹrù wúwo lé lórí, emi ó sì fi ìsinmi fún ọkàn yín.

Ní irú àsìkò báyìí, gbogbo ohun tí a lè ṣe ni láti di ìgbàgbọ́ wa mú sinsin nínú Ọlọ́run.

Aya Ààrẹ tún fi dá àwọn ọmọ orílẹ-èdè Nàìjíríà lójú pé Tinubu ti ké sí àwọn orílẹ̀-èdè lágbayé láti wá dá ilé iṣẹ́ sílẹ̀ fún ìrọ̀rún gbogbo èèyàn,” Olurẹmi sọ bẹ́ẹ̀.

Ìdí tí mo fi ń di irun mi – Adekunle Gold

Mary Fágbohùn

Olorin Naijiria, Adekunle Kosoko, ti a mo si Adekunle Gold, ti safihan pe didi irun oun kii se fun ti ise.

O wi pe oun di irun oun nitori pe oun fe gbiyanju nnkan to yato wo.

Olorin ‘Party No Dey Stop’ naa safihan eyi nigba to farahan bii alejo lori eto mohunmaworan MTV Base Africa, Touching Base, ti osere tiata Susan Pwajok se atokun re.

O wi pe, “Ko si eto fun [ara didi irun] bii ise.

“Ni 2019, irun mi n gun. E ranti igba ti mo ni irun to ga. Mo wa so pe, ki n gbiyanju ara miran. E je ki n gbiyanju lati mu ki irun yi gun ki n si se e. Mo si ni ile irun to dara, tabi ohunkohun ti e ba pe. Ile irun to dara [o rerin].

“Sugbon, bee ni. Mo kan pinnu lati mu ki o gun ni mo si ri pe o dara lori mi.”

Ara ò rokùn ara ò rọ
adìyẹ lọ̀rọ̀ dà báyìí o, bí
àwọn aláṣẹ àtàwọn akẹ́kọ̀ọ́ ilé ẹ̀kọ́ gíga fásitì Obafemi Awolowo ti Ilé Ife, ìpínlẹ̀ Osun ti ń forígbárí báyìí nítorí bí àwọn aláṣẹ ilé ẹ̀kọ́ náà ṣe mú àlékún bá owó tí àwọn akẹ́kọ̀ọ́ máa sàn fún sáà tuntun tí wọ́n fẹ́ bẹ̀rẹ̀.

Ilé ẹ̀kọ́ náà mú àlékún bá iye owó tí àwọn akẹ́kọ̀ọ́ máa ń san tó bá ṣẹ̀ṣẹ̀ wọlé fún sáà ẹ̀kọ́ di N101,200 láti N28,100, tí àwọn tó sì ń padà sẹ́nu ẹ̀kọ́ yóò san N89,200 láti N20,100 tí wọ́n ń san tẹ́lẹ̀.

Agbẹnusọ OAU, Abiodun Olarewaju nínú àtẹ̀jáde kan tó fi síta lọ́jọ́rú ṣàlàyé pé àwọn akẹ́kọ̀ọ́ tó wà ní ẹ̀ka Faculties of Arts, Law àti Humanities yóò máa san N89,200 fún àwọn tó bá ń padà sẹ́nu ẹ̀kọ́ .

Ó ní àwọn tó bá ṣẹ̀ṣẹ̀ wọlé sílé ẹ̀kọ́ náà ní ẹ̀ka yìí yóò san N151,200 ní ọdún kan.

Olarewaju ní iye owó tuntun yìí ni ìgbìmọ̀ aláṣẹ ilé ẹ̀kọ́ buwọ́lù lẹ́yìn tí wọ́n ṣe ìpàdé lọ́jọ́ Ìṣẹ́gun.

Àtẹ̀jáde náà ṣàlàyé pé àwọn akẹ́kọ̀ọ́ ní ẹ̀ka ìmọ̀ ẹ̀rọ àti sáyẹ́ǹsì yóò máa san N163,200 fún àwọn akẹ́kọ̀ọ́ tó bá ṣẹ̀ṣẹ̀ wọlé, tí àwọn tó sì ń padà sẹ́nu ẹ̀kọ́ yóò máa san N101,200.

Bákan náà ni àwọn akẹ́kọ̀ọ́ ní ẹ̀ka College of Health Sciences àti Pharmacy yóò san N190,200 fún àwọn tó bá ṣẹ̀ṣẹ̀ wọlé tí àwọn tó ń padà sẹ́nu ẹ̀kọ́ yóò sì san N128,200.

Wọ́n ní gbogbo owó ló jẹ́ ti ọdún kan péré.

Ẹ̀wẹ̀, ẹgbẹ́ àwọn akẹ́kọ̀ọ́ iké ẹ̀kọ́ ọ̀hún ti bu ẹnu àtẹ́ lu ìgbésẹ̀ àwọn aláṣẹ wọn láti mú àlékún bá owọ ilé ẹ̀kọ́.

Àtẹ̀jáde kan tí ẹgbẹ́ àwọn akẹ́kọ̀ọ́ ilé ẹ̀kọ́ náà fi síta ní àwọn kò gba iye tí àwọn aláṣẹ náà ni àwọn yóò san nítorí wọn kò fi tó àwọn létí kí wọ́n tó mú àlékún bá owó náà.

Ààrẹ àti akọ̀wé SUG OAU, Abbas Ojo àti Akinboni Opeyemi nínú àtẹ̀jáde náà ní àwọn kò ní gba nǹkan tí àwọn aláṣẹ náà ṣe wọlé nítorí ìjọba àpapọ̀ ti sọ wí pé àwọn kò lọ́wọ́ nínú bí àwọn ilé ẹ̀kọ́ ṣe ń mú àlékún bá owó ilé ẹ̀kọ́.

Wọ́n ní gbogbo ìgbésẹ̀ ni àwọn máa gbé láti ri dájú pé àwọn aláṣẹ náà yí ìpinnu wọn padà àti pé kí àwọn akẹ́kọ̀ọ́ ṣe pẹ̀lẹ́pẹ̀lẹ́ tí àwọn máa fi rí ọ̀rọ̀ náà yanjú.

Àwo̩n ò̩jè̩ wé̩wé̩ olórin kò nílò láti dámi mò̩ bíi ako̩ni – 2baba Idibia

Mary Fágbohùn

Ogbontarigi olorin Naijiria, Innocent Ujah Idibia, ti a mo si 2Baba, ti so pe iran awon olorin tuntun ko o nilo lati da oun mo bii akoni.

O ni oun moriri igba ti won ba kan saara idanimo si oun bii akoni, sugbon ko pon dandan ki won se bee.

Olorin African Queen naa so eyi nigba to farahan lori eto Afrobeats podcast ti Adesope Olajide, ti a mo si Shopsydoo se atokun re.

O wi pe, “Ko si eni to je mi nnkan. Fun mi, o [ipo akoni mi] wa nibe. Ko le e kuro rara. Ko din eni ti mo je ku bi oje wewe olorin kan o ba da ipo akoni mi mo.

“Nnkan eyokan ni pe, loooto, mo moriri re nigba ti awon eniyan da mo [ipo akoni mi]. Ko si eni ti ko ni moriri re. Emi naa moriri re ki awon eniyan da a mo sugbon mi o fi se nnkan ibinu ti won o ba se bee. Ohun ti eni naa ko mo niyen.

“Ko si eni to je mi ni nnkankan nitori pe gbogbo eniyan to wa, ni won yoo so itan ti won. Mo ni so itan temi. Gbogbo olorin to ba dide bayii, koda ti won ba ri imisi lati odo mi tabi elomiran, won yoo soro lati gbe ara won ga. Itan ti won niyen.

Ó setán láti rúbo̩ gbogbo rè̩ fún mi’ – Tonto Dikeh banújé̩ lórí àìlera o̩po̩lo̩ Solidstar

Mary Fágbohùn

Osere tiata Naijiria, Tonto Dikeh, ti safihan ife to ni lati kan si awon alakoso tabi ebi Solidstar leyin irohin nipa pe olorin naa n ba aarun opolo finra.

E ranti pe Joseph, arakunrin Solidstar ti oruko abiso re n je Joshua Iniyezo, laipe yi lo si oju opo Instagram olorin naa lati fi fonran kan lede eyi to salaye ipo ti olorin naa wa.

O safihan pe Solidstar ti n ja pelu ailera ti ko derun lati ojo pipe, aisan yi ni idi kan gboogi to fi yago fun ise orin.

Nigba ti yoo fesi pelu itan Instagram re, Tonto Dikeh wi pe oun fe kan si awon omo egbe Solidstar.

O seranti ni olorin naa se ran an lowo nigba to n gbiyanju lati se orin ni odun die seyin.

O ko o pe, “Bawo ni mo se le kan si alakoso Solidstar tabi ebi re?

“Eje mi ni igboro niyi. O setan lati ran mi lowo ki n le se daradara nipa ti orin. Emi ni mi o kii gboran.